Dili daw tanan matagak mahagbong

Ireprint nako ni gikan sa sa internet samtang nagkalingaw ug pang-utingkay. 

DILI TANAN MATAGAK MAHAGBONG
Adonis Gesta Durado

Pananglit mangalibang ang galupad nga panon
Sa langgam luyo sa libon nga panganod,
unsa kahay mahitabo ngadto sa ilang mga iti?
Motaguktok kaha kini og tibuok kung ugaling
Matungod sa atong atup? O mokalit og kahanaw,
Sama sa bulalakaw, mangapulpog sa dili pa
Makaabot sa gasawo tang mga kamot?

Di man tingali ang tanang matagak ba mahagbong;
Dili tanang mahulog adunay padulngan –
Nga ang mga butang nga nakabuhi sa atong kamot
(O natagak gikan sa wanang) adunay tugpahan.

Swerti lang tingali ang tawng gaparasyut
Kay mitugpa sa atup. Swerti lang ang nabugto
Nga tabanog kay nasangit sa poste sa iskina;
Ang nangapunggak nga mga bunga sa mangga
Ang taligsik ba ron sa uwan nga nasawod
Sa mga basiyong lata - ug kining tanan,
Gumikan pa niining balaod sa pisika.

Apan, diin man kuno minglagapak ang imong katawa
Dihang lanog mong gipalukso sa karaang atabay?
Hain tugpa ang mga ngalan, pulong nga nakasaknit?
(Kini, sama sa pangutana sa mga bata kung diin
Dad-a sa hangin - kung wa man gani lamya
Sa bakunawa - ang mga nakabuhi nilang balon.)
Ug kinsa say nasayod, nga ang nahiplos mong singsing
Nga milayat kaniadto sa lawod, kay hangtud karon,
Gapadayon lang gihapon sa iyang pagka-unlod?

Gani, buot kong hunahunaon karon, nga ang mga kalag
Niadtong managtratong gahikog sa pangpang,
Kay naungot ug galutaw lang gihapon sa wanang.

hay katapulan

alo,
pagkahuman sa taas nga panahon karon na pud ko nakabisita diri pag usab, dili ko ing-ana ka bisi kung dili ing-ana ko katapulan. tan-awa ra daghan kaayo ug blog gi -maintain pero dili diay pud ma maintain.

kapoy oi daghan kag gusto isulat ug mga hulagway nga iupload pero way time, isa pa makalagot ning gamay ug guot nga lugar di ko kalihok mao nga ang CPU sa computer dia giluklok sa ilalom sa computer table, samotan pa nga duha ra kabuok ang ports para sa flashdrive saputonnnn sa kag maayo ayha pa matultulan ang bangag aron masulod ang USB sa akong portable hard drive hay nalang, dugangan pa aning arang kagahi nga keyboard pamaolan ka bago makahuman ug usa ka entry nga way pulos sama aning akong gibuhat.
hay kainit sa saipan alingiing kaayo,maligo sa ko ha hantud na pud sa sunod tuig siguro...

kugihan pa

nia nasab ko, kugihan pa kuno magsulat kay bag-o paman, o tingale kay bisaya ni di kaayo lisod maghuna-huna saon pagbalay sa isulat. Mao pay pag abot sa barraks (hehe murag sundalo pero mao man ni ilang tawag sa mga boarding house diri sa saipan, hasta sa Palau mao pud)
ngita na pud unsa lutuon tapol na unta nindot nlang muligid tan-aw ug pelikula pero gutom man sad.

ing-ani nalang siguro akong gusto
isud-an karon kay dali ra pero dili ing-ani kadaghan no!

duna pa koy tiwasonon nga pelikula inarkilahan tawon tag $2 ang isa, ugma na diay ang due date ato kinahanglan tiwason jud karon maskig duka
na ug kapoy pa. Permi nalang tawon mabuntagan ang tv gaandar kay maabtan mag duka samtang gahigda ko.

hay laing adlaw na pud ugma, ngita na pud ug upat ka estorya para makaabot sa qouta hastang lisura baya mangita ug storya diri di pareha sa pinas nga gusto ug publisity ang mga tao didto,. diri saon man puro man parente tibook isla busa hilom sila tanan dili mostorya kun dunay mahitabo.

Hantud ron wa pay suspect nadakpan or updates ba kaha sa koreano nga tindero nga gipatay adtong isang gabii matud sa polis. o di ba kaha ako ray gamata ug morning uny ana iskopan na diay ko sa pikas dyaryo ugma kay wa pa koy update.
o diri na lang sab ha kay kapoy akong kamot oi sige type para makasweldo..hehe yaw saba sa akong amo basig iputbol ko. babels

hay Lunes na sab

Sa tanang adlaw sa simana, kaning Lunes ang akong pinakakontra, hay nalang jud, kung pwede lang unta nga akong papason ning adlawa sa kalendaryo.
Sugod na sab ug bugno pangita ug estorya kada adlaw para makaabot sa quota nga upat...
usahay kalami dauban sa mga sources kay dalo kaayo ug mga estorya di mohatag lisud kaayo utingkayon ang mga files kung naa na sa superior court, grabe jud lagi nga palisod ang ginahimo nila. Naanad man gud ko sa Davao nga magbuot-buot rag pangukay sa files didto sa clerk of court maskig kabalo ko magmug-ot na permi ang clerk kay dili iuli ug arrange inig hawa.
Hay kinabuhi sa reporter, wa man ko mangandoy nga mag-utingkay sa mga kinabuhi sa mga tawo diri oi labi na diri sa saipan nga halos tanang tawo puros parente.

sugod napud labad ulo kay wa pa koy estorya hapit na mag alas 11 sa buntag. Hay. duna kuno'y homicide case sa tanapag gabii mao ni akong gihulat nga mobalik ang mga polis aron makakuha kog detalye. Lahi man sa pilipinas gud kay puwede man mouban ang reporter sa mga imbestigasyon pero diri sus maghuwat ra ug unsay ipadala nga press release, ngyabag lagi.
o sige unya napud nagpahungaw ra ko sa akong kalabad para mabahinan pud mo...

brooom para sa kanto noy! plete o

ayo!

Ayo, naa ba ko diha?
Mao ni ang pasiunang mga tinulo sa nag-awas nga kinuwanggol sa pagkayabag...
heeh ang tinuod gikapoy na kog suwat ug iningles nahurot-hurot na ang pundo sa bodega ug dili na sab maayo palabian ug bun-og ang mga tinaguan sa baol kay kada adlaw kinahanglan ko magsulat ug mga balita lab-as ug mga bahaw aron dunay madawat kung magkugi na ang among accountant sa pag-compute sa sweldo kada kinsena.

hay kasakit sa akong ulo murag paminaw nako maibot na ni hapit, di man pud siguro ni swine flu kay permanente ko man ni bation nga kasakit sa ulo matag takdol sa bulan... buyag lang.

o para noy, diri ra usa ko kay testing pa baya ni, magtabi ra nya tag daghan sa sunod, Sa karon tabangi kog ampo nga mo epek ang duha ka advil akong giinom ganiha kay mrag nangurog na ko sa kasakit sa akong ulo.